சீனாவின் வடமேற்குப் பகுதியான கன்சு மாகாணத்தில் சக்திவாய்ந்த நிலநடுக்கம் ஏற்பட்டிருக்கிறது. கன்சு மாகாணத்தின் தலைநகரான லான்ஜோவிலிருந்து தென்மேற்கே சுமார் 100 கிலோமீட்டர் தொலைவில் உள்ளப் பகுதிகளிலும், வடக்கு ஷான்சி மாகாணத்தில் உள்ள ஜியானிலும் இந்த நிலநடுக்கம் உணரப்பட்டிருக்கிறது. இது குறித்து கன்சு மாகாண நிலநடுக்க நிவாரணத் தலைமையகம், "திங்கள்கிழமை இரவு 11:59 மணிக்கு கன்சு மாகாணத்தில் நிலநடுக்கம் ஏற்பட்டிருக்கிறது.
இந்த நிலநடுக்கம் ரிக்டர் அளவுகோலில் 5.9 ஆகப் பதிவாகியிருக்கிறது. வடக்கு ஷான்சி மாகாணத்தில் உள்ள ஜியானில் உணரப்பட்ட நிலநடுக்கம் ரிக்டர் அளவுகோலில் 6.2 ஆகப் பதிவாகியிருக்கிறது. இதனால், பல கிராமங்களில் மின்சாரம் மற்றும் நீர் விநியோகம் தடைப்பட்டிருக்கிறது. ஹைடாங் நகரில் மட்டும் 11 பேர் உயிரிழந்திருக்கின்றனர். 100-க்கும் மேற்பட்டோர் காயமடைந்திருக்கின்றனர். அதிகாலை முதல் மீட்புப் பணிகள் நடந்து கொண்டிருக்கின்றன" எனக் குறிப்பிட்டிருக்கிறது.
இந்த நிலநடுக்கத்தில் சுமார் 116 பேர் உயிரிழந்திருப்பதாகவும், பல கட்டடங்கள் இடிந்து கணிசமான சேதம் ஏற்பட்டிருப்பதாகவும் சீன ஊடகங்கள் செய்தி வெளியிட்டிருக்கின்றன. மேலும், நிலநடுக்கத்தின் போது பாதுகாப்புக்காக மக்கள் தெருவில் இறங்கித் தஞ்சமடைந்த வீடியோக்களும் சமூகவலைதளங்களில் பகிரப்படுகிறது. இந்த நிலநடுக்கம் குறித்துப் பேசிய சீன அதிபர் ஜி ஜின்பிங், "நிலநடுக்கத்தால் பாதிக்கப்பட்டவர்களை மீட்கும் பணி தீவிரமாக நடந்து வருகிறது. இடிபாடுகளில் சிக்கியவர்களை மீட்கும் அனைத்து முயற்சிகளும் மேற்கொள்ளப்படுகிறது.
அத்துடன் உயிர் பிழைத்தவர்கள் மற்றும் அவர்களின் சொத்துக்களின் பாதுகாப்பை அரசு உறுதி செய்யும்" எனக் குறிப்பிட்டிருக்கிறார்.
இதற்கு முன் கடந்த ஆகஸ்ட் மாதம், கிழக்கு சீனாவில் 5.4 ரிக்டர் அளவிலான நிலநடுக்கம் ஏற்பட்டது. அதில், 23 பேர் காயமடைந்தனர். பல கட்டடங்கள் இடிந்து சேதம் ஏற்பட்டது. செப்டம்பர் 2022-ல், சிச்சுவான் மாகாணத்தில் 6.6 ரிக்டர் அளவிலான நிலநடுக்கம் ஏற்பட்டதில் 100 பேர் உயிரிழந்தனர். 2008-ல் 7.9 ரிக்டர் அளவிலான நிலநடுக்கத்தில் 5,335 பள்ளி மாணவர்கள் உட்பட 87,000 க்கும் அதிகமானோர் இறந்தனர் என்பது குறிப்பிடத்தக்கது.
Junior Vikatan-ன் பிரத்யேக Whatsapp Group...
இணைவதற்கு இங்கே க்ளிக் செய்யவும்... https://bit.ly/46c3KEk
வணக்கம்,
BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.
ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்... https://bit.ly/46c3KEk
from International https://ift.tt/RhMetDi
via
