அமெரிக்காவிலுள்ள ஹவாய் தீவுக்கூட்டத்தின் (Hawaiian Archipelago) மௌய் (Maui) தீவில், கடந்த ஆகஸ்ட் 8-ம் தேதி ஏற்பட்ட பெரிய காட்டுத்தீ, அங்கு வசிக்கும் மக்களின் வாழ்வாதாரத்தில் கடும் பாதிப்பை ஏற்படுத்தியது. இந்த தீ விபத்தில் 2,000-க்கும் மேற்பட்ட குடியிருப்புகள் எரிந்து சாம்பலாகின. கிட்டத்தட்ட 114 பேர் உயிரிழந்தனர்.
இந்த நிலையில், அமெரிக்க அதிபர் ஜோ பைடன், மௌய் தீவில் ஏற்பட்ட காட்டுத்தீயால் விளைந்த பாதிப்புகளை, தனது வீட்டின் சமையலறையில் ஏற்பட்ட தீ விபத்தின் எடுத்துக்காட்டுடன் பேசியது விமர்சனத்துக்குள்ளாகியிருக்கிறது. நேற்று முன்தினம் (ஆகஸ்ட் 21), மௌய் தீவின் காட்டுத்தீயில் உயிர்பிழைத்தவர்களை லஹைனா (Lahaina) நகரில் நேரில் சந்தித்து ஆறுதல்படுத்த முயன்றார் ஜோ பைடன்.
சுமார் 13 நிமிடங்கள் மக்களிடையே பேசிய ஜோ பைடன், ``இப்போது நான் சொல்வதை வைத்து, மௌய் தீவின் காட்டுத்தீ விபத்தால் ஏற்பட்ட சிரமங்களை ஒப்பிட விரும்பவில்லை. ஆனால், ஒரு வீட்டை இழப்பது எப்படியிருக்கும் என்பது எனக்கும், என் மனைவிக்கும் கொஞ்சம் தெரியும். 15 ஆண்டுகளுக்கு முன்பு, வாஷிங்டனில் பத்திரிகையாளர்களைச் சந்தித்துக்கொண்டிருந்தேன் நான். அப்போது எனது வீட்டுக்கு வெளியே உள்ள பெரிய குளத்தின் மீது ஒரு மின்னல் பாய்ந்தது.
அந்த மின்னல், ஒரு கம்பியைத் தாக்கி வீட்டின் காற்றுநிலை குழாய்களுக்குள் பாய்ந்தது. இதனால் வீட்டின் சமையலறையில் தீ விபத்து ஏற்பட்டது. இந்தக் கதையைச் சுருக்கமாகச் சொன்னால், கிட்டத்தட்ட என் மனைவியை நான் இழந்திருப்பேன். அதோடு ஒரு பூனையையும் நான் இழந்தேன். தீயணைப்பு வீரர்கள், என் மனைவியையும், எனது குடும்பத்தையும் காப்பாற்றத் தீக்கு நடுவே ஓடினர். இதுவொன்றும் நகைச்சுவையல்ல" என்று கூறினார்.
ஜோ பைடனின் இத்தகைய பேச்சால், இணையதளவாசிகள் பலரும் அவரை மௌயின் சோகத்தில் உணர்ச்சியற்றவர் என்று இணையதளங்களில் சாடிவருகின்றனர். நூற்றுக்கும் அதிகமானோர் பலியான பேரிடரை வீட்டின் கிச்சன் தீவிபத்துடன் ஒப்பிடுவதா என அவருக்கு கண்டனங்கள் குவிந்து வருகிறது.
Junior Vikatan-ன் பிரத்யேக Whatsapp Group...
இணைவதற்கு இங்கே க்ளிக் செய்யவும்... https://bit.ly/3PaAEiY
வணக்கம்,
BIG BREAKINGS முதல்... அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.
ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்... https://bit.ly/3PaAEiY
from International https://ift.tt/0D6WsP5
via
